又 踏 入 大 學 畢 業 禮 旺 季 ， 浸 大 尋 日 頒 發 多 個 榮 譽 博 士 畀 城 中 知 名 人 士 ， 印 度 裔 富 商 夏 利 萊 （ Hari N.Harilela ） 、 科 大 創 校 校 長 吳 家 瑋 等 人 分 別 獲 獎 ， 卓 妮 都 貢 去 湊 熱 鬧 。

夏 利 萊 係 少 數 獲 社 會 榮 譽 印 裔 名 人 ， 佢 班 印 裔 親 戚 空 群 而 出 撐 場 ， 場 面 夠 晒 疊 馬 。 夏 利 萊 樣 子 鬼 鬼 ， 原 來 廣 東 話 非 常 流 利 ， 佢 細 訴 得 獎 感 受 ， 話 當 年 七 歲 跟 住 爸 爸 來 港 ， 細 個 時 窮 到 ， 靠 英 軍 軍 營 外 擺 賣 維 生 ， 連 返 學 讀 書 機 會 都 冇 ， 幸 好 佢 肯 搏 肯 捱 ， 得 英 軍 賞 識 ， 成 為 軍 方 食 物 及 洗 衣 服 務 供 應 商 ， 其 後 又 開 設 服 裝 兼 裁 縫 店 ， 生 意 蒸 蒸 日 上 ， 五 九 年 同 三 兄 弟 創 立 夏 利 里 拉 集 團 。

時 至 今 日 ， 家 族 生 意 遍 布 世 界 各 地 ， 貧 小 子 頓 變 富 翁 。 香 港 改 寫 夏 利 萊 一 生 ， 難 怪 佢 眼 泛 淚 光 話 ： 「 香 港 是 我 家 ！ 」 就 算 金 融 海 嘯 殺 埋 身 ， 夏 利 萊 早 前 照 樣 豪 捐 五 百 萬 元 畀 浸 大 成 立 獎 學 金 。 講 到 金 融 海 嘯 有 冇 影 響 佢 身 家 ？ 夏 生 笑 笑 口 話 自 己 都 有 買 Accumulator （ 累 計 認 購 期 權 ） ， 幸 好 佢 冇 好 似 其 他 商 人 咁 ， 瘋 狂 問 銀 行 借 錢 炒 Accumulator ， 結 果 賺 少 少 就 離 場 。

佢 舉 例 話 ， 好 似 銀 行 游 說 買 家 出 一 蚊 ， 銀 行 可 以 借 多 四 蚊 畀 佢 炒 Accumulator ， 即 係 借 多 四 倍 畀 人 炒 ， 但 係 佢 唔 貪 心 ， 借 兩 倍 就 算 數 。 佢 話 ， 做 人 要 好 似 爬 樓 梯 咁 按 部 就 班 ， 咪 貪 心 走 精 面 喎 。

吳 家 瑋 喜 事 打 孖 上
另 一 位 得 獎 人 就 係 科 大 創 校 校 長 吳 家 瑋 ， 咁 得 咁 蹺 ， 浸 大 同 科 大 今 年 都 話 要 頒 榮 譽 博 士 學 位 畀 佢 ， 仲 好 似 夾 定 咁 ， 同 一 日 內 前 後 腳 打 電 話 邀 請 佢 ， 為 免 順 得 哥 情 失 嫂 意 ， 佢 兩 份 「 厚 禮 」 都 接 受 ， 尋 日 完 獎 ， 周 五 再 去 科 大 多 個 榮 譽 博 士 銜 頭 。

講 番 近 況 ， 吳 授 話 近 年 專 注 做 深 圳 市 政 府 高 級 顧 問 ， 專 門 為 育 及 科 技 政 策 出 謀 獻 策 ， 佢 扁 嘴 話 自 己 退 休 多 時 ， 講 冇 牙 力 ， 獻 計 畀 港 府 都 未 必 受 重 視 ， 反 而 內 地 政 府 就 識 貨 ， 搵 佢 計 劃 深 圳 搞 一 間 好 似 科 大 咁 威 水 大 學 喎 。 吳 授 又 埋 頭 寫 回 憶 錄 ， 事 關 佢 美 國 生 活 三 十 三 年 ， 感 慨 唔 少 中 國 人 對 美 國 印 象 相 當 片 面 ， 希 望 將 體 驗 同 大 家 分 享 ， 書 中 仲 會 爆 佢 追 太 太 愛 情 史 ， 本 書 預 計 明 年 就 會 出 版 。

卓 妮