金 融 海 嘯 一 浪 接 一 浪 打 到 ， 香 港 當 然 係 重 災 區 啦 ， 好 多 銀 行 都 自 身 難 保 要 收 緊 信 貸 ， 中 小 企 依 家 排 住 隊 等 執 笠 ， 裁 員 潮 一 觸 即 發 。 近 日 就 有 一 個 任 職 繪 圖 員 男 子 ， 因 為 擔 心 被 裁 而 跳 樓 自 殺 ， 成 為 金 融 海 嘯 之 下 亡 魂 。

最 弊 係 政 府 劑 劑 都 咁 遲 鈍 ， 完 全 感 覺 唔 到 個 風 緊 。 煲 呔 曾 佢 上 月 發 表 份 施 政 報 告 ， 隻 字 不 提 中 小 企 ， 如 果 唔 係 眼 見 倒 閉 潮 愈 愈 勁 ， 早 排 都 未 必 會 推 出 加 強 中 小 企 信 貸 保 證 計 劃 。

之 不 過 ， 呢 個 咁 補 鑊 計 劃 根 本 就 係 有 等 於 冇 ， 商 務 及 經 濟 發 展 局 局 長 劉 吳 惠 蘭 唔 單 止 唔 知 道 中 小 企 問 題 所 在 ， 仲 好 涼 薄 咁 話 唔 相 信 佢 營 運 困 境 ， 會 短 短 三 朝 兩 日 就 要 面 臨 無 法 承 受 壓 力 。

唔 講 猶 自 可 ， 一 講 仲 激 嬲 班 中 小 企 ， 齊 聲 怒 吼 。 有 關 當 局 係 要 踢 一 腳 至 郁 一 小 步 ， 尋 日 宣 布 再 加 碼 推 出 一 百 億 元 特 別 信 貸 保 證 計 劃 ， 話 要 協 助 中 小 企 面 對 信 貸 困 難 喎 。

新 措 施 之 下 ， 每 間 申 請 企 業 最 高 可 向 銀 行 借 一 百 萬 元 ， 政 府 做 七 成 擔 保 ， 當 中 最 多 五 十 萬 可 以 用 作 循 環 貸 款 ， 政 府 保 證 期 為 兩 年 半 ， 同 時 亦 將 信 用 保 險 局 總 承 保 額 由 一 百 五 十 億 增 加 到 三 百 億 元 。 劉 吳 惠 蘭 仲 好 意 思 話 ， 新 措 施 係 回 應 中 小 企 訴 求 。

好 ， 不 如 聽 業 界 講 ， 到 底 係 咪 真 係 滿 足 佢 訴 求 呢 ？

中 小 企 救 亡 大 聯 盟 成 員 陳 勇 前 表 示 ， 業 界 普 遍 覺 得 支 援 唔 係 好 足 夠 ， 佢 仲 指 摘 政 府 完 全 唔 了 解 中 小 企 運 作 ， 佢 估 計 未 來 全 港 有 超 過 一 成 ， 即 係 大 概 有 兩 萬 一 千 間 中 小 企 會 倒 閉 。

香 港 中 小 型 企 業 聯 合 會 主 席 劉 達 邦 亦 批 評 政 府 牛 頭 唔 搭 馬 嘴 ， 冇 提 高 六 百 萬 元 信 貸 擔 保 到 八 成 ， 淨 係 提 出 一 百 萬 元 七 成 信 貸 擔 保 方 案 。 佢 仲 話 政 府 低 估 中 小 企 營 運 困 難 嚴 重 性 ， 又 認 為 五 十 萬 元 循 環 貸 款 只 可 以 幫 到 小 企 ， 中 企 就 扶 助 唔 到 。

睇 業 界 都 唔 係 好 領 劉 吳 惠 蘭 情 ， 鬼 咩 ， 雖 然 各 大 銀 行 表 示 支 持 本 地 中 小 企 ， 甚 至 金 管 局 總 裁 任 志 剛 都 成 日 開 金 口 希 望 銀 行 向 中 小 企 放 水 ， 問 題 係 ， 銀 行 一 直 冇 表 態 。 業 界 表 示 ， 依 然 有 唔 少 中 小 企 好 難 到 信 貸 。 正 如 香 港 中 小 型 企 業 商 會 會 長 吳 宏 斌 所 講 ： 「 銀 行 唔 放 水 ， 政 府 百 分 百 擔 保 都 冇 用 ！ 」

事 實 上 ， 政 府 推 出 呢 個 頭 痛 醫 頭 、 腳 痛 醫 腳 特 別 信 貸 保 證 計 劃 ， 只 可 以 話 有 好 過 冇 ， 其 實 政 府 唔 可 以 都 度 修 修 補 補 ， 好 應 該 有 一 個 整 體 振 興 經 濟 方 案 至 得 。 世 界 各 地 已 經 重 手 救 市 ， 就 連 總 理 溫 家 寶 都 要 掟 四 萬 億 元 人 民 幣 出 ， 推 動 擴 大 內 需 以 及 加 快 基 建 投 資 等 十 項 措 施 啦 ， 港 府 又 做 乜 呢 ？

弊 在 煲 呔 曾 乜 都 唔 識 ， 只 係 識 得 搞 個 「 經 濟 機 遇 委 員 會 」 出 ， 名 為 捕 捉 新 機 遇 ， 實 質 就 係 吹 水 ， 連 委 員 會 成 員 都 提 醒 市 民 唔 好 指 望 可 以 打 救 各 人 出 生 天 ！ 可 想 而 知 ， 特 別 信 貸 只 係 聊 勝 於 無 ， 振 興 經 濟 就 來 來 去 去 得 條 毛 ！