官僚不知民間苦 鼓勵生育大隻講 17/03/2007
有 個 電 視 廣 告 話 養 大 一 名 子 女 要 花 四 百 萬 元 , 嚇 到 唔 少 人 一 提 起 生 育 就 耍 手 擰 頭 。 呢 個 廣 告 講 法 係 咪 誇 張 , 符 唔 符 合 事 實 , 言 人 人 殊 , 冇 一 個 標 準 答 案 , 不 過 咁 , 香 港 出 生 率 愈 愈 低 就 絕 對 係 事 實 , 唔 需 要 再 爭 拗 。 正 因 為 咁 , 煲 呔 就 曾 經 呼 籲 每 對 夫 婦 最 好 生 三 個 , 可 惜 , 呼 籲 還 呼 籲 , 究 竟 有 幾 多 人 響 應 , 要 問 煲 呔 至 知 。
俗 語 話 , 生 仔 容 易 養 仔 難 。 如 果 話 養 大 一 名 子 女 需 要 四 百 萬 , 咁 生 三 個 咪 要 一 千 二 百 萬 ? 唔 好 話 低 下 階 層 蟻 民 冇 咁 經 濟 能 力 , 就 算 中 產 之 家 都 吃 不 消 喇 。 生 三 個 ? 講 笑 搵 第 二 樣 ! 所 以 話 政 府 高 官 不 知 民 間 疾 苦 , 預 算 案 係 咁 意 提 高 些 少 子 女 免 稅 額 , 就 話 鼓 勵 生 育 , 要 求 每 對 夫 婦 生 三 個 , 簡 直 天 真 兼 無 知 !
其 實 , 唔 好 話 養 大 一 名 子 女 要 花 幾 百 萬 咁 多 , 淨 係 照 顧 初 生 嬰 兒 , 就 夠 晒 為 人 父 母 者 頭 痛 。 依 家 生 活 艱 難 , 好 多 父 母 都 要 雙 雙 出 外 打 工 搵 食 , 母 親 就 話 有 十 個 星 期 分 娩 假 , 但 父 親 一 日 假 期 都 冇 , 嬰 兒 出 世 , 佢 照 樣 要 返 工 , 照 顧 嬰 兒 責 任 只 好 由 母 親 獨 力 承 擔 。 子 女 少 家 庭 猶 自 可 , 如 果 母 親 除 初 生 嬰 兒 之 外 , 仲 要 照 顧 其 他 子 女 , 有 四 隻 手 都 搞 唔 掂 喇 。 有 私 人 機 構 通 情 達 理 , 計 劃 推 行 男 職 員 有 薪 侍 產 假 , 以 實 際 行 動 幫 助 僱 員 解 決 難 題 , 鼓 勵 生 育 , 比 起 政 府 官 員 得 把 口 叫 人 生 三 個 , 簡 直 不 可 相 提 並 論 。
對 於 呢 個 問 題 , 經 濟 發 展 及 勞 工 局 常 任 秘 書 長 張 建 宗 大 打 官 腔 , 聲 稱 有 私 人 企 業 推 行 男 職 員 侍 產 假 , 起 帶 頭 作 用 , 希 望 其 他 企 業 倣 效 。 佢 仲 話 政 府 會 研 究 是 否 就 侍 產 假 立 法 , 最 重 要 係 考 慮 對 中 小 企 影 響 。 唉 , 又 係 廢 話 , 講 等 於 冇 講 ! 特 區 官 員 最 叻 就 係 研 究 , 一 個 郵 輪 碼 頭 已 經 研 究 十 年 , 到 依 家 仲 係 影 都 冇 , 你 估 男 士 侍 產 假 要 研 究 幾 耐 呢 ? 天 曉 得 !
港 官 吹 水 唔 抹 嘴 , 成 日 話 香 港 係 國 際 都 會 , 要 超 英 趕 美 , 不 過 咯 喎 , 講 到 各 項 民 生 政 策 , 香 港 往 往 落 後 人 一 大 截 。 就 以 鼓 勵 生 育 講 , 好 多 國 家 都 有 具 體 措 施 配 合 , 有 獎 金 制 度 、 有 男 士 侍 產 假 、 有 完 善 託 兒 服 務 等 等 , 但 香 港 官 員 淨 係 大 隻 講 , 講 完 就 算 。 唔 好 話 男 士 侍 產 假 十 畫 未 有 一 撇 , 就 算 託 兒 服 務 都 嚴 重 不 足 , 現 時 由 政 府 資 助 託 兒 服 務 , 一 般 逢 星 期 一 至 五 、 朝 八 晚 七 開 放 , 兩 頭 唔 到 岸 , 根 本 幫 唔 到 低 收 入 家 庭 。 好 多 人 要 求 政 府 加 強 呢 方 面 服 務 , 例 如 提 供 一 個 星 期 七 日 託 兒 , 方 便 父 母 就 業 , 但 政 府 答 覆 又 係 「 研 究 」 兩 個 字 !
係 , 香 港 係 咪 適 合 推 行 男 士 侍 產 假 , 各 種 意 見 都 有 , 目 前 仲 未 有 定 論 , 但 口 口 聲 聲 以 民 為 本 、 福 為 民 開 政 府 , 點 都 唔 可 以 翹 埋 對 手 乜 都 唔 做 。 次 次 都 要 靠 私 人 機 構 起 帶 頭 作 用 咯 喎 , 咁 何 必 浪 費 咁 多 公 帑 , 養 埋 咁 多 官 員 !