香 港 「 換 肝 之 父 」 范 上 達 ， 可 能 佢 「 下 情 」 得 到 「 上 達 」 ， 擒 日 正 式 宣 布 繼 續 留 任 ， 佢 又 否 認 先 前 提 出 請 辭 ， 涉 及 任 何 人 事 關 係 ， 只 係 呻 句 冇 乜 私 人 時 間 ， 因 試 過 連 續 工 作 三 十 個 鐘 ， 依 家 就 實 行 減 少 行 政 工 作 ， 盡 量 做 更 多 臨 床 研 究 。

好 明 顯 ， 范 上 達 意 思 就 係 做 醫 生 太 辛 苦 ！ 呢 個 亦 係 全 港 公 立 醫 院 醫 生 流 失 主 要 原 因 之 一 ， 尤 其 范 上 達 身 兼 瑪 麗 醫 院 肝 臟 移 植 組 主 管 ， 同 埋 港 大 李 嘉 誠 醫 學 院 肝 移 植 及 膽 胰 外 科 主 任 ， 主 理 香 港 唯 一 肝 臟 移 植 中 心 ， 係 三 名 可 獨 立 進 行 活 肝 移 植 手 術 醫 生 之 一 ， 工 作 壓 力 有 幾 沉 重 ， 大 家 可 想 而 知 。

港 大 李 嘉 誠 醫 學 院 院 長 林 兆 鑫 就 話 喎 ， 現 時 醫 生 普 遍 流 失 ， 唔 單 止 瑪 麗 醫 院 有 咁 問 題 ， 亦 唔 應 該 歸 咎 於 行 政 處 理 不 當 。 呢 番 話 可 圈 可 點 ， 講 到 明 唔 單 止 瑪 麗 係 咁 ， 即 係 以 其 院 長 身 份 ， 踢 爆 全 港 公 立 醫 院 醫 生 流 失 問 題 已 經 非 常 嚴 重 ！ 當 然 ， 跟 住 梗 係 要 「 補 飛 」 話 同 行 政 管 理 無 關 ， 咁 一 來 可 以 適 當 「 自 保 」 ， 二 來 亦 唔 想 插 得 老 頂 周 一 嶽 同 醫 管 局 咁 應 棍 ， 算 係 留 番 多 少 餘 地 啦 。

計 功 夫 茶 話 齋 ， 生 福 利 及 食 物 局 局 長 周 一 嶽 同 醫 管 局 高 層 ， 對 於 公 立 醫 院 醫 生 嚴 重 流 失 ， 真 係 有 不 可 推 卸 責 任 ！ 皆 因 佢 長 期 管 理 不 善 ， 以 致 公 共 醫 療 系 統 百 病 叢 生 。 好 似 醫 管 局 行 政 總 裁 年 薪 接 近 五 百 萬 元 ， 四 十 位 高 層 年 薪 三 百 五 十 萬 至 四 百 萬 元 ， 但 近 年 入 職 醫 生 月 薪 只 得 三 數 萬 元 ， 而 且 工 時 又 長 ， 真 係 勞 心 費 力 ， 做 到 死 為 止 咁 滯 。 試 問 如 此 肥 上 瘦 下 不 公 平 制 度 ， 又 點 留 得 住 人 才 ？

醫 管 局 目 前 有 四 千 幾 個 醫 生 ， 上 個 財 政 年 度 有 三 百 幾 人 離 職 ， 最 慘 走 係 經 驗 豐 富 之 顧 問 或 專 科 醫 生 ， 因 為 以 佢 條 件 ， 外 邊 大 把 路 數 ， 正 式 皇 帝 女 唔 憂 嫁 ， 搞 到 公 立 醫 院 專 科 服 務 面 臨 斷 層 ， 病 人 排 期 做 手 術 動 輒 經 年 ， 甚 至 兩 年 或 以 上 ！ 以 泌 尿 科 為 例 ， 舊 年 至 今 總 共 走 廿 幾 個 醫 生 ， 部 分 醫 院 靠 借 調 人 手 暫 時 頂 住 ， 唔 使 講 ， 呢 班 醫 生 又 係 做 到 死 死 。

同 屬 前 線 醫 護 人 員 護 士 ， 亦 認 真 唔 好 過 ， 伊 院 深 切 治 療 部 有 護 士 竟 可 累 積 假 期 達 一 千 日 ， 即 係 近 三 年 呀 ， 陰 功 ！ 家 陣 醫 管 局 同 醫 生 補 假 官 司 ， 搞 咁 耐 算 係 接 近 尾 聲 ， 但 好 可 能 又 到 護 士 爭 取 補 假 打 官 司 ， 係 咁 就 七 國 咁 亂 。 香 港 向 來 引 以 為 傲 公 共 醫 療 系 統 ， 點 解 近 年 一 落 千 丈 變 成 咁 ？ 真 係 要 問 周 一 嶽 點 做 ！

偏 偏 老 周 仲 九 唔 搭 八 ， 上 月 底 北 上 話 幫 香 港 醫 生 尋 找 出 路 ， 打 開 內 地 龐 大 醫 療 市 場 喎 。 喂 ， 家 陣 香 港 都 未 搞 得 掂 ， 仲 嫌 醫 生 走 得 唔 夠 多 咩 ？ 老 周 唔 好 借 意 轉 移 視 線 ， 咪 當 香 港 市 民 係 老 襯 喎 ！ 你 個 福 局 局 長 係 香 港 特 區 定 係 內 地 ？ 唔 該 有 冇 醫 生 幫 周 一 嶽 驗 個 腦 啦 ， 唔 使 等 佢 「 周 圍 岳 」 一 陣 又 話 去 河 南 省 ， 打 開 愛 滋 病 龐 大 市 場 ， 咁 就 真 係 多 得 佢 唔 少 ！