賀蘭特：要做最好嘅自己

自早年於卡迪夫城開始從事足球教練及青訓管理相關工作，現年32歲的賀蘭特曾輾轉於馬來西亞、泰國及印度等地留下足迹，包括在24歲那年，機緣巧合下獲聘為泰超傳統勁旅武里南的青訓總監，帶領該隊青年軍奪下全國青年錦標賽冠軍。光輝背後，Matt坦言曾見盡各地球圈光怪陸離的一面：「依家諗番轉頭，當時總以為自己有晒所有答案，無論係待人處事，或係傳達某種諗法等方面，都可以做得更好。」

「踢出理文風格緊要過成績」

如今帶同家人一起來港展開新一頁，賀蘭特希望能在新環境安定下來，於新舞台大展拳腳：「理文係一間好想做出好成績嘅球會，會長李文恩非常支持我哋嘅工作，我都好榮幸可以同一班志同道合、充滿抱負嘅同事合作。足球世界入面，好多人都視戰勝對手為成功金律，但我覺得唔止係咁，最緊要係成為最好嘅自己。」

學員參與度上升，除了因為餓波已久，理文青訓教練團的功勞亦不可抹殺。

賀蘭特希望疫情過後，能帶理文小將出外征戰，體驗不一樣的比賽及生活。

理文的青訓宗旨，是為一隊提供新血、為港隊培育後起之秀，以及讓學員更加投入足球運動，在這些目標以外，賀蘭特追求更多：「我唔介意球隊成績好壞，但我要求每支梯隊都要踢出理文風格。我哋想令球員無論喺比賽、返學，或者出街玩嗰陣，都對自己作為理文一分子感到自豪。」

球員時期的Matt，自認足球天賦不算突出，因此早早選擇「轉行」教波，但出身於史雲斯青年軍的他，對於年輕球員面對的煩惱和困難絕不陌生：「喺我細個嗰陣，冇人會教你喺人生路上要點行，或者點樣應對各種生活上嘅難題，我哋想為學員提供更多幫助，希望佢哋有更好嘅品德，繼而透過職業嘅訓練環境，令佢哋成為更好嘅球員。」

餓波學員自發加操

因為疫情關係，本地足球賽事一度陷入停擺，連帶青訓工作亦受阻近一年，如今得以重返球場，一班學員參與操練時都表現得格外投入。「復操初期，好多教練同家長都同我反映，話一周練3次波，冇咩可能做到；依家呢組球員每周操3次，另外再加埋比賽日，都可以做到百分之九十五嘅出席率。」Matt帶着炫耀般的語氣解釋道。除了因為大家都「餓波」已久，Matt認為與理文青訓教練團的努力，和訓練計劃得到認同不無關係：「依家班細路會自己要求每星期加操一堂，我覺得佢哋好享受練波過程，鍾意我哋呢班教練，佢哋都睇到理文有計劃同目標去令大家變得更好。」