被指內向其實「好多嘢講」
袁世傑予人感覺比較內向，他笑言屬誤會一場：「其實我比較多嘢講，性格都好調皮同鍾意講笑，但首先要睇對方性格夾唔夾，加上又唔太鍾意『Social』，所以先令人誤會。」惟他亦清楚身為職業足球員，需要主動將想法告訴別人，近年就嘗試拓展社交生活，藉此增強溝通能力及說話技巧，並改善與隊友及教練的關係。
面對負評堅持做好自己
愉園今季負面消息頻頻，幸對「世傑」未有太大影響，他表示會繼續堅持做好自己：「我覺得盡力做好每一樣嘢就夠，雖然點都會有人唔鍾意自己，但都係一個學習機會。」對於網上的批評，「世傑」抱着平常心面對，既不會刻意留意，亦不會有太大反應，反而覺得聆聽前輩的意見，藉此改善自己缺點更加有幫助：「其實好少睇網上留言，可能球迷角度諗法會唔同，所以自己都唔會太在意。」