老友李同國掛靴 Dejan開心又難過
訪談來到尾聲，我們終歸要談到他之所以加盟傑志的目的——「亞冠盃」。目前已經在這座「亞洲最高殿堂」射入過36球的丹恩奴域，只差兩球便能打破前南韓國腳李同國的入球紀錄。當他認真地說起該位昔日對手之際，記者從袋裏拿出印上李同國名字的全北汽車球衣，Dejan隨即「雙眼發光」：「我冇諗過會喺香港見到佢嘅波衫！我非常敬重佢，佢係一位推動我提升到更高水平嘅對手。」
「畀機會我破佢紀錄」
若要形容Dejan和李同國的關係，用「識英雄重英雄」比喻就最為貼切。他坦言與李同國私交甚篤，惟該名42歲名將自上季結束後便高掛球靴，Dejan當然大嘆可惜，但笑言這亦是他的大好機會：「佢係『亞冠盃』史上入球最多嘅球員，我當然為佢退役感難過，但同時亦都開心佢終於停低咗，畀機會我追上去！」