潘沛軒我闖我天地
「我個名係潘沛軒，唔係『潘文俊個仔』！唔想再聽到人講，我係靠老竇先可以踢到職業。」潘沛軒出身自足球世家，父親潘文俊及伯父潘文迪年少時同樣是著名足球員，退役後二人更順勢擔任教練，甚至球隊高層，在球壇有一定江湖地位，因此「潘沛」作為星二代，亦自然成為外界的焦點之一，他期望終有一日，能夠以實力令球迷記住自己，闖出屬於「潘沛軒」的新天地。
由於父親以前是職業足球員的關係，「潘沛」表示這正是他愛上足球的最大原因：「細個已經會睇佢比賽，甚至同啲老前輩一齊踢波，4、5歲就開始跟老竇放假去南華會踢波。」在「潘沛」心目中，父親除了是足球路上的啟蒙老師外，更成為一直崇拜的偶像：「我好榮幸有呢個阿爸，細個問我邊個最好波，我唔會答球星，反而會話係我老竇，直到依家我都仲會上網睇番，佢2000年喺奧運外圍賽對日本射入嗰球靚波。」
「用實力令球迷記住我」
「潘沛」承認於足球世家成長，對自己生涯初期的確有很大幫助，包括能夠獲得父親的提攜，以及訓練較其他人更專業，不過他卻怪責自己年少不懂事，練習時相對懶散，經常不聽從父親的說話，導致逐漸讓人「爬頭」。「潘沛」今年即將踏入21歲，他亦明白自己再不是以前一面稚氣的小朋友，不可以再經常依賴他們：「有時聽到評述員話，呢個係『潘文俊個仔』，或者邊個世侄嗰啲，有時都會有少少唔開心，唔想再畀人感覺我係因為屋企人先踢到波，我想靠努力去證明自己！」
力求進步免「影衰」家人
任何事情皆有好壞兩面，「潘沛」坦言這個身份亦令他在年少時承受不少壓力，除了有時會遭受對手嘲笑外，更害怕自己會「影衰」家人：「啱啱轉踢職業，老竇都係教緊標準灝天，但嗰陣踢得唔算太好，同人哋水平都差得遠，搞到自己有時都唔敢去練波。」
之後「潘沛」轉投南華初期，同樣只能擔任後備，這才令他意識到不可以再這樣令自己家族丟架：「當時球會、香港隊青年軍正選都拎唔到，跟住又懶懶散散，但其實老竇係教練，應該要比其他人更易拎到正選。」另外他表示目前已變得成熟，開始適應及懂得以平常心面對壓力、批評，將它們化成推動力，更加落力去做好自己。
潘沛軒Profile
出生日期：2000年10月3日（20歲）
身高／體重：1米81／65kg
司職：右閘／右翼 球衣號碼：11
曾效力球會：標準灝天、南華
現效力球會：愉園
圖／文：李浚湣／受訪者提供