位置不同一樣有火

潘沛軒能夠司職右閘或右翼，踢的位置雖與父親並不相同，惟兩者在球場上的性格卻同樣「有火」，他坦言除了個人技術外，自己亦需要在比賽時更加冷靜：「自己踢波不嬲好狠，但有時情緒絕對需要改善，要控制好啲。落到場要冷靜啲，唔好咁易被對方激嬲，同埋自己有時都會太衝動，好多波都太急斬上去。」問到今季目標，「潘沛」希望盡量保持繼續正選上陣，做好防守之餘，亦為球隊帶來更多助攻和入球。