「拎到冠軍當Bonus」
接掌「快活谷」首季，球隊以最後一名完成球季，幸好上季不設降班，令愉園得以續留港超聯。隨着經驗不斷累積，加上「鮑Sir」在引援上獨具慧眼，今季開始步入收成期，成績令人喜出望外，除了「菁英盃」近13年來首次進身4強，聯賽亦暫以兩戰兩和的不敗成績，排在第4名。
「鮑Sir」認為新球員的加盟，對球隊有很大幫助：「今年多咗米基爾、查理史葛等，加上兩名尼日利亞前鋒，球員用波能力好咗，整體實力好過上年，對手都會驚，令到前場多咗主動做壓迫。」不過「鮑Sir」表明不會為球員增添壓力，仍會維持季初目標：「聯賽都係照以第6名衝線，至於『菁英盃』一直都以爭出線為目標，依家就會叫球員貪心啲，希望殺入決賽，假如拎到冠軍就當獎勵啦！」