收起火爆性格 唔做「魔鬼教練」
「細節嘢一定要做得好，若果做得唔夠，我會要求佢哋繼續做，做到好為止。但係，其實我都好少鬧人，通常係好多次都冇改善，我先會大聲喝吓。」面對陣中一眾年輕球員，「鮑Sir」笑言自己非常均真，絕對不屬於「魔鬼教練」。年齡雖有一定距離，「鮑Sir」卻表示經常與球員打成一片：「我都好玩得！有時完咗場都會傾吓偈、講吓笑。不過有啲球員少出聲，講一句答一句，所以先難溝通，不過自己都會主動撩佢哋。」
盼為球員立榜樣
除此之外，「鮑Sir」亦收起以往的火爆性格，希望在情緒管理上為球員立榜樣：「可能依家年紀大咗，諗嘢成熟咗，自己已經收咗火。同埋知道如果自己唔夠冷靜，其實會影響到年輕球員表現、情緒，例如會出現更多犯規等。」