鄭璟昊將悲痛化力量

2015年，當時效力元朗的鄭璟昊憑着出色表現，首次入選大港腳在友賽對關島，其後獲東方力邀加盟，在2015/16年球季更為球隊連奪港超聯和高級組銀牌冠軍，足球路似乎愈走愈順遂。但人生旅途往往就是出乎意料，「阿井」高峰過後表現回落，被球迷指摘，之後愈踢愈沉。

入選港隊偏遇上低潮

回想這段艱辛歲月，「阿井」說：「自己抗壓能力唔夠高，以往踢元朗，地區球迷永遠係鼓勵，自從踢東方同香港隊，你一有少少表現唔好就鬧你，自己一直都性格內向，面對逆境唔識處理，港隊踢得唔好，一畀人批評連鎖帶落球會，搞到愈踢愈冇信心。」

「阿井」今季轉投晉峰，獲更多上陣機會。

父親留下的剪報和海報，是鄭璟昊堅持下去的動力。（受訪者提供）

表現不似預期，換來的自然是坐後備席，有時甚至連後備名單亦沒有，但當時「阿井」以為只是足球生涯低潮，上天卻像故意跟他開玩笑，為他的人生帶來最沉重一擊。「有一日練波，突然收到電話，話爸爸入咗醫院，好快就走咗，好突然……」當時的「阿井」一度想放棄足球生涯：「當時覺得喺呢個世界上做乜都冇目的、冇所謂。」

摯親驟逝，儘管「阿井」至今仍未走出傷痛，但一切冥冥中自有安排，在天上的爸爸，似乎認為兒子未到放棄的時候。「有一日返屋企執嘢，搵到爸爸原來收埋好多自己剪報同海報，我以前一路都唔知，睇到呢啲就知道自己要繼續行呢條路，因為我知道佢每一場都有入場睇我比賽，亦對呢樣嘢好驕傲。」

外借到晉峰更自在

於是他由東方龍獅爭取外借機會，新季來到青春班晉峰，現在的鄭璟昊，反而踢得更自在，他謂：「就算爸爸唔喺度，依家每一場比賽我都會留一張飛畀佢，我知道佢會繼續每一場都嚟睇。」雖然爸爸已經羽化成仙，但一起生活的回憶卻會歷久彌新，爸爸的支持將化為力量，成為「阿井」每一場比賽的動力。圖／文：Iris