加盟快活谷林衍廷同舊戰友拍住上
愉園昨日再次傳出好消息，宣布正式簽下後衞林衍廷，並已為他辦妥球員註冊，今日面對冠忠南區有望首次披甲。「Fat Gor」1999年出生、曾獲球季最佳青年球員獎項，在前球會富力R&F散班後，一直跟隨愉園操練，新球季將穿上32號波衫。
「Fat Gor」已經跟前球會富力R&F，完成處理合約事宜，以自由身加盟愉園，他表示前球會在上個球季結束後突然解散，一度令他為前途感到徬徨，對目前可安心繼續足球事業表示高興：「當時各支球隊經已『埋班』，自己又要去處理賠償問題，幸好最終愉園肯畀機會，令我繼續球員生涯。」
愉園陣中的張俊軒、袁世傑、黃智康、朱偉鈞，與「Fat Gor」皆為1999年出生，自小已在青年軍並肩作戰，更一同入選香港U18青年軍，以及出戰亞青盃外圍賽，林衍廷亦樂於與戰友重逢：「愉園陣中唔少球員都係我以前嘅隊友，細個大家夢想喺職業隊『拍住上』，依家可謂夢想成真，我會將去季從球圈前輩們學到嘅，同隊友分享，大家一齊進步啦！」