金塊「搶7」成功闖次圈！昨日NBA季後賽西岸首圈，金塊與爵士合演至激Game 7，結果金塊靠「全能中鋒」祖傑射入絕殺球，以80比78險勝過關。這支西岸第3種子更成為聯盟史上，第12隊在總場數落後1比3之下，連贏3場逆轉晉級的球隊。
這場生死戰雙方明顯比較「手緊」，投籃命中率均不足4成，三分球更只有2成多。爵士球星米切爾今仗初段「死晒火」僅得7分，令球隊半場落後14分。幸好進入第3節米切爾回復手感，個人連取9分，加上康利的三分球，將分差收窄至60比65進入第4節。
最後一節爵士輪到中鋒高拔發威，連取6分替球隊追成78比78平手，不過金塊中鋒祖傑在完場前27秒內線轉身拋投建功，金塊再度領先80比78。米切爾原本有足夠時間處理最後一個攻勢，可惜遭金塊夾擊下被偷波，轉頭康利三分球勉強出手又射失，結果金塊以2分之差贏波，祖傑全場取得30分、14個籃板，成為贏波頭號功臣。
今場表現失準，21射7中只得17分的金塊後衞梅利賽後非常激動：「今次係好好嘅對碰，我都唔知仲可以講啲咩，簡直係無言。」
同日東岸4強大戰，塞爾特人憑達頓個人取得全場最高的34分，以102比99擊敗速龍，取得2連勝。今場速龍表現大上大落，半場落後2分之下，第3節發力「倒贏」多達12分，可惜之後無以為繼，加上甘巴獲加在末段着火，包辦「綠軍」最後16分中的11分，最終帶領塞爾特人反勝。