吳卓蔚加盟台中藍鯨
曾在訪問中表示希望「成為一名職業球員」的香港女足代表、愉園門將「阿Mi」吳卓蔚，終於夢想成真，昨日落實加盟台灣木蘭足球聯賽勁旅台中藍鯨。愉園、台中藍鯨昨午同時「官宣」，「阿Mi」會於下周起行，披上台中藍鯨24號球衣。
以續約為首要目標
台灣木蘭足球聯賽周四透過Facebook專頁公布各隊球員變動，台中藍鯨「加盟球員」一欄上，出現了吳卓蔚這個名字。「其實兩個月前已經落實咗，不過手續因為疫情一直未能完成，所以唔公布得住。最初知道藍鯨因為正副選門將外流日本，打算搵個有經驗嘅門將，我就透過介紹人將我嘅CV同『球王片』畀佢哋睇，再做咗次視像面試。之後佢哋決定簽我，我真係好開心，會珍惜今次機會。」「阿Mi」表示會與藍鯨簽署一紙半季合約，並以成功續約作為外闖的首要目標。
由於飛抵台灣後要完成14日隔離才可歸隊，預計「阿Mi」僅可趕及在兩場聯賽，及之後的盃賽中上陣，披甲機會或許不多。不過她在過去兩個月都保持訓練，務求歸隊後能盡快融入球隊。「今次係我第一份全職業合約，我會盡最大努力去完成，唔會令喺今次轉會上面幫過我，同支持我嘅人失望。」