艾華頓盼2年後入籍踢港隊

「只要肯做 一定有機會」

年輕時因傷患及服兵役關係，曾一度放棄成為職業球員的艾華頓，直至23歲於一項業餘盃賽決賽中獲得垂青，並輾轉來到香港「搵食」，經過多年奮鬥，捧過高級組銀牌，亦獲選過「最佳前鋒」，如今更在東方龍獅穩佔一席位。艾華頓坦言，對現在所擁有的一切心懷感恩︰「呢個地方係充滿機會，任何人只要肯去做，無論係乜嘢行業，都會得到機會。只要交出令人滿意嘅成績，你就會得到尊重。今時今日，我同家人收割緊當年種下嘅果實，當年初嚟甫到都面對過一啲困難，太太過嚟香港嘅時候，囝囝都只得3歲，我哋住喺個小單位，有好多嘢都唔識。我最終克服過唔少難關，到今日要感謝主，我哋住得好好，個仔讀緊國際學校仲識講英文，真係好奇妙！」

現年29歲的艾華頓雖然距離入籍還有兩年時間，但他在訪問中透露，希望有天能夠披上香港隊球衣︰「我希望可以能夠成為香港嘅本土球員，因為只要夠7年就可以申請轉換護照，同埋代表香港隊上陣。我喺呢度已經有5年，我只需要多兩年，所以呢個係我目前嘅主要目標。」