由富力R&F球員盧均宜和林嘉緯，合作經營的影片頻道「宜嘉就做」，日前邀請他們的前傑志隊友王振鵬作特別嘉賓，大談三人以前的點滴和趣聞，「鵬哥」更列出自己心目中的港超最佳11人，結果相當令人感意外。
王振鵬2005年從大連來港加盟傑志，在香港生活近15年，但其廣東話卻說得「一般」，甚至經常被「均宜」和「嘉緯」取笑。節目直播期間，「鵬哥」搞笑透露「學極唔識」的原因：「嚟香港第一年整親隻手要做手術，因為要全身麻醉，對個腦有啲影響，搞到講嘢音都發唔到。」
身為傑志老臣子，王振鵬責任重大，但卻甚少擔任隊長一職，被問到想不想戴上隊長臂章時，他竟然「耍手擰頭」：「做隊長要有正面形象，又要同球證、隊友溝通，仲要有良好心理質素，我覺得自己唔夠班。」
效力「藍鳥」多年，「阿鵬」轉眼間已經36歲，他坦言想效法意大利門將保方，至少踢到40歲，更稱已不想轉會，要在傑志踢到退休：「踢咗15年話轉就轉咩？退役後都會留喺香港，幫球隊培育小朋友。」
最後，他應兩位好友要求，列出他心目中的最佳11人，作為「死黨」的盧均宜和林嘉緯固然榜上有名，但別以為「鵬哥」只會選傑志的今昔隊友，他還挑選了不少曾效力「死對頭」南華的球員，當中包括曾在2007年足總盃4強，以一球美妙倒掛射破王振鵬「十指關」的巴西前鋒迪天奴。入得咁靚，點到佢唔服？