桌球賽事未正式重開，「火箭」奧蘇里雲已經決定明年1月的英國大師賽唔會出現，皆因是「頂唔順」傳媒轟炸式採訪。
呢位5屆世界冠軍在個人社交平台上表示：「我唔會再打大師賽，真係煩到爆！」2019年他在決賽以4比10不敵世界一哥卓林普，「嗰度嘅記者同傳媒，每場比賽之後都要做6、7個訪問，好似上年4強賽後，佢哋圍住我問咗3粒鐘都係圍繞第2日嘅比賽，感覺真係好差，我只想參加比賽，去享受比賽。」
不過，呢位大情大性嘅英格蘭球星就計劃下季多參加中國舉行嘅賽事，特別係上海同北京，但唯一唔鍾意就係玉山（世界公開賽），「嗰度啲人唔錯，但去嗰到比賽簡直好似發惡夢，除非佢哋開出支票邀請我，否則我唔敢再去。」