要打勝仗，除咗靠高明戰術、精良軍備外，仲要識得提升士氣！活躍於日本寫真界嘅電競女神野野宮美香，深明振奮軍心嘅重要性，為咗令一眾裙下之臣更加落力打氣，喺上戰場之前，總會露一露巨胸，真係好叻女！
日本寫真界有好多胴體美極嘅女優，好似染谷有香，腰幼波大又夠高，最重要係身材出於天然，所以被稱為「寫真界最強BODY」。不過，要講到身材達完美級別，野野宮美香一樣拍得住佢！現年27歲嘅美香，以前個樣平平無奇，甚至有人覺得佢醜樣添，剛出道拍寫真嘅時候，更被形容為「身材100分顏值0分」，好彩經過幾番「改良」，醜小鴨終於變天鵝！身材方面，點解會值100分？首先，上圍對G奶渾圓、彈手兼堅挺，腰肢則屬於水蛇腰，配埋粗幼適中嘅大腿同小腿，簡直係無得再挑剔！
由於美香嘅身材實在太誘人，所以被譽為「天下一品之美BODY」，就算當年未變樣，一樣夠本錢勇闖寫真界。提到呢副身材，美香話每個星期至少會去健身中心3次，進行肌肉訓練，而其餘時間多數留喺屋企打機。原來阿妹係一位狂熱嘅遊戲迷，近年眼見電競活動相當盛行，仲化身成電競女神參加比賽，最叻玩FPS射擊遊戲！值得一提，美香做打機直播時，經常以低胸衫上陣，又會喺鏡頭前騷首弄姿，搞到網友同機迷睇到眼甘甘，最抵死係阿妹會失驚無神牽起件衫露出胸圍同大半對G奶，真係好識振奮軍心呀！
社交網站
野野宮美香對自己嘅身材好有自信，經常會喺社交網上載自拍性感照。另外，美香會成日發表最新動向，想睇美香嘅打機直播，就要多留意喇。
網址：https://twitter.com/nonomiyamika
年齡：27歲
身高：5呎2吋
三圍：35-23-34
撰文：賢