近日各位留家抗疫，未知大家有冇發覺自己「肥咗又靚咗」。其實做運動就是其中一個最佳抗疫方法，本周六兩位本地體壇名將羽毛球「黑妹」葉姵延及籃球型男蘇伊俊，就會在IG開Live，同各位網民一齊健身，齊齊出身汗抗疫。
今次兩位體壇名將應Red Bull邀請化身教練，周六上午11時起至11時30分，與大家一齊做運動半粒鐘，有興趣的朋友可以去Instagram（@Redbullhk），觀賞直播跟體壇名將一齊「郁吓扭吓」，還有機會得到豐富獎品。