染谷有香 靈長類最強Body原來係怕醜女

二次元身材

漫畫中嘅女角色好多都係波大腰幼嘅靚女，超級S形身材誇張到喺現實中難尋，但係又唔怪得班漫畫家，因為創作就係盡情將幻想加以發揮，唔畫到有咁索得咁索，又點滿足到大家嘅眼球先！不過凡事總有例外，喺日本寫真界就有一位寫真妹擁有二次元世界嘅身材，佢就係染谷有香喇！

28歲嘅染谷有香被稱為「真實版峰不二子」，而峰不二子係來自經典動漫《雷朋三世》，以超絕品身材迷盡漫畫迷，而有谷同佢相似，當然係身材同樣超一流啦！除咗身高5呎8吋，擁有一雙修長美腿，仲擁有一對純天然G奶，呢副又高挑又好波嘅身材確係罕有，因此亦有「靈長類最強Body」之稱！

冷酷有原因

有香身材如此完美，佢亦唔會吝嗇天賦本錢，出道以來演出尺度愈來愈大膽，更加多次作全裸露點演出添！

唔知大家有冇發覺，有香喺社交網中嘅自拍照張張都笑容可親，但係拍寫真時卻一臉冷酷又剛強呢？其實佢唔係特登扮晒Cool，而係佢本身好怕醜，喺其他人面前作性感演出會感到緊張，好似最近佢拍攝新一輯寫真時嚟個真空着圍裙，現場春色無邊，但係就搞到佢面都紅晒！就係因為咁，有香要一邊性感演出一邊面露多個表情，實在有難度，故此佢索性擺出一副冷酷表情，營造出Cool女形象喇！

社交網站

近期染谷有香再次活躍於拍攝寫真，喺佢嘅社交網中就可以見到唔少花絮，亦可以知道佢最近又為邊本雜誌演出喇！

網址：https://twitter.com/someyaaa_

染谷有香

年齡：28歲

身高：5呎9吋

三圍：37G-24-34

撰文：賢