今季港超聯賽事前景未明，很多球員都只能留在居所自行作體能操練以維持狀態，當中不少球員都大嘆日復日相同的活動，開始顯得有點無聊。熱愛大自然的和富大埔隊長杜度（Dudu），則選擇以遠足消磨時間，並保持一定的運動量。
這名家住烏溪沙的「綠戰士」後衞表示，最近愛上前往住所附近的郊野公園郊遊：「我間中會同朋友去西貢或者馬鞍山行山，有時我甚至自己一個去，我覺得行山就好似人生咁經歷高低起伏，當然我最鍾意就係登上山頂嗰一刻嘅感覺，就好似大地在我腳下咁。」
相對於杜度家鄉巴西，香港的城市和郊野的距離，相對較為接近。Dudu亦表明這是自己最喜愛活在香港的原因：「呢個地方好奇妙，喺擁有不同美食同文化嘅大都會，竟然行幾分鐘就去到超美嘅大自然環境，喺度生活，我覺得好幸福。」