新冠肺炎疫情下NBA暫停，球員沒有比賽，這陣子留家抗疫，但不忘開直播片跟球迷網上互動，當中「字母哥」安迪杜甘普就最爆，更被湖人球迷要求加盟！
呢位公鹿球星同女友Mariah一齊現身直播，原本只是跟球迷閒聊，但「字母哥」女友突然爆出一句：「從小時候開始，我就是湖人球迷！」一時間令安迪杜甘普目定口呆不懂回應，更搞笑要即時關上直播視頻。
此話一出最傷心當然是公鹿球迷，有網民提議「字母哥」要向Mariah貫輸「正確觀念」，但湖人球迷就開心到不得了，表態希望安迪杜甘普要為Mariah盡快加盟，穿上湖人34號球衣。
NBA停擺冇晒收入，賽會自然要削減開支，一眾NBA高層管理人員都要順應時勢，降薪20%共度時艱。美國傳媒指出，大約100位NBA最高層管理人員需要降薪20%，其中包括NBA總裁阿當施華，據悉阿當施華年薪為1,000萬美元（約7,750萬港元），降薪2成亦即降薪200萬美元（約1,550萬港元）。
報道指，今次降薪範圍只限高層管理人員，普通部門及行政部門低薪職員不受影響。對於高管降薪一事，NBA發言人未有確認，不過發言人稱：「今次情況係前所未見，和所有行業一樣，我哋需要短期措施來應對這場疫情，以及當中所帶來的經濟衝擊。」