日本寫真界90後人氣女神清水藍里生得嬌滴滴，擁有一對H Cup爆乳，但咪以為佢細細粒容易食，原來佢係空手道黑帶高手，更自創「童貞殺」招式驚人絕技，秒殺男士，將身體變成最強兇器！
喺日本寫真界可以搵到好多身材激凸嘅小巧女優，知名嘅包括被稱為「合法蘿莉巨乳」嘅長澤茉莉奈，不過講到人氣高企，就非清水藍里莫屬喇！
今年27歲嘅藍里可愛又純真，嬌嗲嘅樣子往往令男人冧到入心，若然聽埋佢把嗲聲，仲會令人全身感到酥麻添！佢身高僅得5呎1吋，肌膚嫩白，上圍激凸，條腰又幼，曲線玲瓏浮凸，脹卜卜嘅H奶配合嬌小身軀，正宗係廟細燈籠大，予人零舍凸出嘅感覺，但係如此曼妙嘅身材只係藍里成功嘅其中一個原因咋！
2007年加入寫真界嘅藍里已經出道咗13年，不過初出道時佢係用「平山藍里」呢個藝名，當時以童顏巨乳作為賣點，一直發展得唔錯，更做埋電影《愛之心》嘅女主角添！後來人氣下滑，改用現時嘅藝名人氣才至漸漸提升。
早前佢喺日本綜藝節目登場時，即場表演嗲功令男主持暈得一陣陣，片段更喺網絡瘋傳。藍里嗲功使得，武功亦一樣了得，因為佢喺3歲就開始練習琉球空手道，現時已經係黑帶高手，近期經常喺綜藝節目表演武藝，佢上身穿着空手道袍，並配上性感泳褲，耍拳耍得興起時突然拉開道袍酥胸半露，令表演生「色」不少，當然最令人期待係佢自創嘅「童貞殺」空手道，完美發揮出波動拳，可謂技驚四座！藍里有巨乳又武藝高強，想唔爆紅都幾難啦！
簡介：清水藍里一啲都唔會吝嗇天賦本錢，經常將火辣自拍照上載到社交網，當中有唔少非常大膽，近乎全裸，令人大開眼界！
網址：https://twitter.com/airishimizu?lang=ja
年齡：27歲
身高：5呎1吋
三圍：36H-23-34
撰文：賢