葉鴻輝牛一︰盼退「疫」回復正常

今日除了是「足總盃」4強，東方龍獅力爭殺入今季第二項盃賽決賽的大日子外，其實亦是隊中首號門將葉鴻輝的30歲生日。「阿輝」坦言今年的生日願望非常實際，就是：「希望今次疫情快啲搞掂，所有嘢盡快回復正常！」

將於今年12月7日成家立室的「阿輝」，坦言對最後的「單身生日」沒有太大感覺，也不打算特別去慶祝。「香港呢半年咁，都冇乜心機啦！依家更加，都唔想叫啲朋友冒險啦！香港人已經好攰，希望呢個肺炎同所有唔好嘅嘢快快趣趣消失，等大家可以盡快有番好日子過！」

假如東方龍獅今日再行前一步，便在盃賽方面「叫兩飛」，有望取得近季最佳成績，「阿輝」表示雖然球隊今季人腳變動極大，但經過大半季磨合，以及全隊上下之努力，戰績總算穩步上揚，但若現在便自滿就可能前功盡廢，他說：「就係依家個勢咁好，先要再落多兩錢肉緊，4強可以贏波入決賽，就係我今年最想要嘅生日禮物！」