當錫堅勁追平MJ神級紀錄

尋日NBA常規賽，狀態大勇嘅獨行俠又靠當錫（左）發威，主場以130比84大炒塘鵝。獨行俠今仗由頭帶到落尾未受考驗，一眾主力喺第4節前已提前「收工」，超級新星當錫雖然只落場26分鐘，卻能交出26分、6籃板及9次助攻，更成功追平「波神」米高佐敦一項神級紀錄！
（美聯社圖片）
（美聯社圖片）

自ABA同NBA喺1976年合併後，只有「MJ」米高佐敦曾經連續18場交出至少「20分+5籃板+5助攻」嘅數據，近代強如勒邦占士亦只曾連續15場做到「20+5+5」，不過現年只得20歲嘅當錫，今場過後就成功追平呢項神級紀錄，若然下仗主場對帝王繼續神勇，超越埋「波神」絕不為奇。