港隊首操唔齊腳 麥柏倫：我哋進步緊
將於周日出發前往南韓釜山參與東亞足球錦標賽決賽周的香港代表隊，昨日在賽馬會香港足球總會足球訓練中心進行公布決選名單後的首課操練，由於尚有菁英盃及港超賽事，冠忠南區與富力R&F球員缺席操練，主教練麥柏倫（Mixu）期望港腳能在賽事中不斷成長。
「希望做好防守」
麥柏倫透露，羅素及艾力士兩位中超入籍兵分別因個人理由退隊，周四晚因傷退下火線的艾里奥則無大礙。「Mixu」強調每位成員均有上陣機會，希望港隊在面對中日韓等強敵時，能不斷求進︰「我知道上屆賽事有對手（南韓）炒過我哋五蛋，不過我哋班球員吸收資訊好快，喺今個秋天亦逐漸有進步，希望做好防守，並且喺控球時為對手帶來威脅。港隊明年嘅世盃外圍賽賽事，作客伊朗同巴林一定唔易應付，但當你面對住高質嘅對手，就自然有機會進步。」
儘管今屆決賽周對手並未有外流頂級球星助陣，但「Mixu」不認為港隊存有優勢，寄語球員先做好自己︰「對手嘅成員都係來自當地具競爭力嘅聯賽，就算係年輕球員缺乏大賽經驗都好，都必定好渴望表現自己。」
何彥霆報道