傑志中場鄭展龍繼2017年11月後再次成為「大港腳」，他明言要做好準備表現自己。
近日冠忠南區中場陳肇鈞和東方龍獅中場黃威先後表示，技術型中場在港隊主教練麥柏倫麾下難有出場機會，同樣作為技術型中場的「泡泡龍」不太有同感，但認為首要目標是作好準備：「香港隊踢法係打反擊，技術型中場或許出場機會唔多，其實我依家未知自己踢咩位，都係睇教練安排，盡量裝備好自己，有得踢就踢好啲，始終對手實力都好強。」
曾隨傑志出戰亞冠盃賽事的鄭展龍認為東亞盃對手更強：「踢過亞洲賽有啲經驗係好，特別係亞冠，對手都係嚟自亞洲頂級聯賽。」提起亞冠盃，總會想起「泡泡龍」對柏雷素爾轟入世界波，協助球隊在日職對手身上取得勝利。適逢港隊勇奪東亞運金牌10周年，問到「泡泡龍」有否信心為港隊歷史寫下新一章時，他謂：「再創造奇迹？又唔可以咁講嘅，踢波唔係打一個。」