大部分打工仔返工只係為咗賺錢同餬口，好少會將工作當成興趣，不過日本就唔同喇，唔少人將工作同興趣融為一體，例如喜歡動漫嘅囡囡會將Cosplayer當係一份職業，好似小澤來夢就係其中一位。
日本寫真界有好多美女都係來自Cosplay界，好似近期大熱嘅RaMu、桃月梨子等，不過亦有唔少女優反攻Cosplay界，最注目嘅包括貓目巨乳妹青山光，仲有今日同大家見面嘅小澤來夢。
今年26歲嘅小澤來夢，保養有道，個樣比四年前初出道時更加青春可愛，而且五官標致得多。除靚咗之外，身材亦比以前弗咗，更具健美感，令胸前對碩大天然H奶顯得更有睇頭，質感堅挺又富彈性，而且仲係令人着迷嘅水滴形，實在係一對難能可貴嘅誘人巨乳！來夢擁有如此優秀嘅條件，應該可以喺寫真界橫行，但係佢冇咁做，因為佢有一個遠大嘅志向！
2015年來夢成為寫真女郎，後來因為同藝能事務所發生合約問題而引退，但係好快佢就加盟另一間事務所回歸寫真界，一直發展得唔錯，但係近期愈來愈少見到佢嘅寫真作品，點解呢？來夢表示做寫真女郎初期好有目標，希望可以憑住拍寫真而進軍影視界，成為第二個指原莉乃，其後佢發覺自己最鍾意原來係做Cosplayer，漸漸將重心移向呢方面發展，仲話好想置身於動漫世界當中，成為一個耀眼嘅角色添！
近期來夢努力做好Cosplayer，唔單止一有動漫界盛事就會到場扮演各種動漫人物，早前為咗扮演更多角色，透過眾籌網集資購買材料自製服飾，夠晒全情投入！如果大家想一睹來夢嘅風采，機會好快就到，因為佢鐵定會參與12月尾喺東京國際展示場舉行嘅動漫界盛事「Comic Market97」，喺呢段日子將會去東京旅行嘅朋友不妨去捧場啦！
簡介：小澤來夢已經將Cosplay當成生活嘅一部分，喺社交網會上載好多角色扮演嘅照片，大部分都係性感造型，大家Click上去就可以欣賞到來夢騷胸半露嘅火辣照喇！
網址：https://twitter.com/raimu_charlotte
年齡：26歲
身高：5呎3吋
三圍：36H-24-34
撰文：賢