23人決選名單出爐 港足有驚喜重召李毅凱
香港隊將於本月8日前往南韓釜山出戰「EAFF E-1東亞足球錦標賽決賽周」，香港足球總會昨日公布23人決選名單。這張名單與之前有大幅變動，傑志左閘丹尼因傷退出，召入李毅凱作替補，同時補選了傷愈的和富大埔前鋒辛祖。此外，效力中超球會大連一方的前鋒艾力士和河北華夏幸福的中堅羅素則意外落選。
唔會未踢先認輸
相隔兩年多再次入選「大港腳」的傑志中堅李毅凱表示：「好興奮、好開心可以再入選香港隊，能夠代表香港，覺得好光榮。東亞盃係一個好難得嘅比賽，港隊打入決賽周時，我已經好期待、好想參與呢個比賽，所以呢段時間好努力練波，喺港超爭取表現，爭取入選。」
早前「阿凱」隨傑志出征亞冠盃賽事，先後與蔚山現代和全北汽車較量，碰巧這次東亞盃也是在南韓舉行，「阿凱」說：「之前踢亞冠係好好嘅經驗去幫香港隊爭取好成績，對全北嗰兩場，對手有好多南韓國家隊成員，知道對手嘅長處，希望同隊友分享。」他更明言不會「未踢先認輸」：「嗰陣亞冠大家都唔睇好我哋，但我哋贏到柏雷素爾。去到東亞盃，我去南韓唔會諗住和或者輸，全隊都做得好嘅話，我相信會有奇迹出現！」
此外，「阿凱」又感激身邊人的支持：「好多謝支持我嘅人，無論係球迷、教練、傑志所有人，都畀咗好多機會我表現自己，球迷對我不離不棄，我諗好多人都好想睇我喺香港隊嘅表現，我會盡力而為，全心全意幫港隊爭取好成績，Fight for Hong Kong，希望球迷支持我！」
香港隊名單
守門員：葉鴻輝（東方龍獅）、謝德謙（冠忠南區）、袁皓俊（理文）
後衞：馮慶燁（東方龍獅）、艾里奧、羅梓駿、*李毅凱、唐建文（傑志）、羅拔圖、梁諾恆（富力R&F）、徐宏傑（梅州客家）
中場：鍾偉強、黃威（東方龍獅）、陳俊樂（廣州富力）、鄭展龍、黃洋、鞠盈智（傑志）、
陳肇鈞（冠忠南區）、鄭兆均（理文）
前鋒：夏志明（冠忠南區）、基奧雲尼（富力R&F）、*辛祖、孫銘謙（和富大埔）
*為補選球員