4強決定戰

博反彈！傑志谷到盡襲理文

衞冕的傑志於今季表現失準，連同聯賽及菁英盃已連續5場不勝，總教練施利斯高域（Blaz）指傑志整體狀態其實不俗，落場表現亦往往比對手為佳，可惜幸運女神未有眷顧才招致失分，因此，今午於「高級組銀牌」首度出擊，Blaz就希望以一場勝仗增強信心︰「當你贏嘅時候，球員無論喺場內定場外都會表現得好正面，所以我哋要踢番場好波畀球迷睇，特別今場波係一場過嘅比賽，對我哋好重要，決定我哋可唔可以去準決賽。不過我哋面對緊一個傷患問題，大概得18、19個球員可以候命。」人腳方面，蘇沙高掛免戰牌，基爾頓、艾里奧傷勢輕微，為免再度受傷將先列後備。

陳曉明︰要重拾9月光芒

至於理文方面，上仗被富力R&F打破不敗身，主教練陳曉明透露球隊受傷患困擾，加上早前曾休戰近一個月，以致發揮稍遜一籌。「陳Sir」認為未能控制比賽節奏是落敗關鍵：「上場我哋冇咗列斯奧，變相部署上被逼要保守啲，要出多個外援喺後防位置同時收起亞哥斯達，主導唔到形勢導致製造唔到好多入球機會。」

理文中場顏樂楓	和富大埔前鋒孫銘謙	標準流浪中場歐陽耀冲

繼「菁英盃」後再次遇上強敵傑志，「陳Sir」期望球隊經調整後，能重拾9月的光芒。隊長列斯奧近日已復操，「陳Sir」稱：「我哋上場都擺咗佢喺後備，但係最後都決定唔冒險，列斯奧對球隊有種特別嘅化學作用，希望他可以喺今仗上陣！」

青春火！和富大埔撼標準流浪

和富大埔上場聯賽擊敗佳聯元朗，打開今季勝利之門，正當球隊剛上軌道時，卻迎來主教練之一郭嘉諾辭職的壞消息，總監兼主教練馮凱文表示影響不大：「開頭係有少少影響，但係大家都係專業嘅，職球員離離合合都係好平常嘅事。」

郭嘉諾辭職馮凱文︰離合好平常

經歷5場不勝後，和富大埔上場終「開齋」，「馮Sir」坦言球隊漸入佳境：「一來舒緩到壓力，二來球員信心大番，畢竟愈遲贏波球員會產生信心危機，依家打破咗缺口，我相信往後嘅比賽會好好多！」今場將面對標準流浪，「馮Sir」認為：「流浪上場和到傑志，有一定嘅能力，希望球隊先做好防守，因為開季到依家都有失波。」

另邊廂，標準流浪上場港超雖有巴辛、斯薩停賽，在驚濤駭浪下仍能逼和勁旅傑志，教練團直言該仗令士氣大振，亦建立起球員在港超立足的自信。今仗面對和富大埔，上述兩位主力外援刑滿復出，教練團認為增添流浪爭勝本錢：「今場全部球員都可以準備，特別係盃賽，冇強弱之分，係睇邊隊臨場發揮得好。對手攻擊線好有水準，我哋都係維持本身嘅踢法，唔會刻意加強防守，但係會有針對性部署去防守。」