冠忠南區惡戰贏波躍登榜首
昨午港超尾場有東方龍獅於將軍澳運動場，迎戰另一實力分子冠忠南區。結果南區查維斯建奇功，於上半場早段入波，助南區贏1比0，打破東方今季不敗金身，兼升上「一哥」之位。
查維斯頭槌「笠死」葉鴻輝
兩軍今場均擺出3中堅陣式，南區前線由陳廣豪替代夏志明任正選，而東方則以早前才簽入的黃威任中場指揮官。初段南區攻勢較多，至17分鐘，陳廣豪攻門被解圍，查維斯第二點施頂「笠死」東方門將葉鴻輝入網，南區領先1比0。打破僵局後雙方愈踢愈肉緊，迪高和川瀨浩太先後被踢跌，致兩邊球員發生口角，最終由球證吳超覺調停，結果南區保持1球優勢完半場。
易邊後東方龍獅積極反撲，攻勢浪接浪，更多次出現黃金機會，先有慕沙禁區內施射，被謝德謙橫身撲走，之後到慕沙妙傳，艾華頓接應後面對空門又「撻Q」射斜，儘管末段東方換入利馬「博一博」，始終未能入波，結果東方龍獅以0比1見負，今仗首嘗敗績。另邊廂南區全取3分後，以4戰得8分升上榜首。
文︰黃雋謙