傑志和富大埔各執1分
「中銀人壽香港超級聯賽」昨午重燃戰火，其中和富大埔主場對傑志，上季主場兩度射破「藍鳥」大門的辛祖，今仗又有進帳，惟傑志鞠盈智於下半場建功，最終雙方踢成1比1，握手言和。
辛祖又有波入
上半場初段傑志佔上風，開賽僅5分鐘便先後有羅梓駿和林恩許近門施射，惜無功而還，更被大埔於20分鐘由辛祖攻破大門，「綠衫軍」得勢不饒人，中村祐人、楊賜麟及孫銘謙等多番起腳，不過都未能擴大優勢，大埔半場領先1比0。易邊後傑志展開猛烈反攻，終在74分鐘，鞠盈智接應蘇沙傳送，扭過對手後射入，助傑志扳平1比1至完場。
賽後傑志隊長黃洋指，儘管費蘭度及盧卡斯缺陣，但替補的年輕球員都有不俗演出。大埔主教練郭嘉諾則表示：「攞1分好過冇，上半場雙方都有好多機會，下半場防守好咗但係前場唔夠進取入第2球，喺呢方面要再做好啲。今場兩邊都踢好多進攻足球，相信球迷都收貨。」
圖：何彥霆
文：陳焌鏗