升呢3子獲機會齊盼做得更好

羅梓駿自發加操練射門

上場對伊朗獲正選機會的羅梓駿表示：「上次機會嚟得比較突然，但今次就係直接決選入香港隊，所以心理上會準備得更加好去踢今場波，爭取正選上陣！」在該仗差點取得入球的他還透露：「上場對完伊朗之後，自己返到球會都有練多啲射門，今場有機會落場嘅話都希望搵到『士哥』！」對伊朗一戰後備上陣的鄭兆均則稱：「我嘅諗法同『羅梓』差唔多，希望自己喺練習時嘅表現，可以爭取到落場機會，落到場嘅話就希望表現比上次更加好！」

至於作客柬埔寨正選披甲的鍾偉強更明言：「無論球會定香港隊，教練一定係揀最好嗰11個落場，所以就算我踢後備都要全力以赴、做到最好。我覺得自己唔算係後備殺手，因為無論正選定後備，我都係付出100%嘅自己！」