前最佳年青球員「回家」 林學曦外借標準流浪助拳
港超球會東方龍獅昨日宣布，將前鋒林學曦外借其母會標準流浪至球季結束，「學曦」昨早出席流浪操練後表示，希望藉今次機會重新證明自己，幫助球隊護級。
林學曦在流浪出道，效力期間曾奪得2屆足球明星選舉「最佳年青球員」獎項，出色表現令他獲印尼球會佩斯查賞識並外借半季。回流後輾轉間加盟南華及東方龍獅，惟這幾年因隊內位置競爭激烈，以致沒有太多出場機會。
「主動爭取機會證明實力」
今次能以外借形式重投母會流浪，「學曦」坦言希望重新證明自己：「呢幾年浮浮沉沉，喺大球會上陣機會少，冇咩機會去證明實力，惟有返番嚟，希望多番啲出場機會，做番好啲，目標先係幫到球隊護級。」他透露事前是自己主動聯絡標準流浪行政總裁李輝立（Philip），詢問可否重返流浪，他十分感謝Philip很快便答應請求。
李輝立稱，對林學曦主動聯絡尋求上陣機會感欣慰：「佢見球隊成績唔好就返嚟搵我，佢搵得我就代表佢好想有機會踢。好似佢、基藍馬、杜馬思咁，見個球隊成績欠佳就主動返嚟幫母會手，搞波咁耐叫做有啲欣慰囉。」
Philip亦很感謝友會東方龍獅的支持，慷慨借出「學曦」助流浪改善現況：「感謝東方老闆支持，堅Sir（東方主教練李志堅）又咁有量度，見『學曦』有心想返流浪，好快就放人。」Philip透露，林學曦最快會在周六（28日）對香港飛馬的聯賽上陣，今晚的菁英盃分組賽，他就因外借條款限制避戰。
圖/文：黃雋謙