基藍馬：重返母會非為錢

非裔港將「Kiki」基藍馬認為重投流浪有「回家」感覺：「2007年我嚟香港，第一間加盟嘅球會就係流浪，所以感覺好似返屋企咁。我知呢幾年我唔係太多出場機會，但我返嚟就係想畀人睇到，我仲係當年未外流嗰個基藍馬，我相信今次會係一個正確嘅決定。」

李輝立物色新外援前鋒

基藍馬之前曾效力中超球隊天津權健，如今回流香港，他所賺取的薪金理應大跌，然而「Kiki」坦言回歸流浪絕對不為錢：「雖然我喺中國嘅球會賺到好多錢，但正因為香港，我先有機會上去踢，今次返嚟絕對唔係為咗錢。只因我仲鍾意足球，想繼續踢波，依家只係想回報母會同香港足球。」今晚菁英盃分組賽鬥東方龍獅，基藍馬將候命上陣，他期望在今仗及未來賽事證明給別人看，自己仍是有本事的。

此外，流浪CEO李輝立透露，球會現時正從外國物色新外援：「打咗幾場波之後，我哋都發覺前面欠缺一個數胡人物，所以希望喺轉會窗關閉前，喺外國搵到個有級數嘅前鋒。」另有消息指甲組球會北區正打算從流浪借入其中一位阿根廷球員，Philip承認消息屬實：「北區同我哋老闆好熟，我哋見佢哋成績麻麻，所以幫到就幫，會借一個球員畀佢哋。」