綠戰士陸志豪︰未攞過，想試！
首次參與社區盃的和富大埔中場陸志豪表示：「我哋有好多新球員、年輕球員，希望佢哋可以喺呢場波攞到比賽經驗。」他更期望：「之前攞過好多盃，但係社區盃就係未攞過，加上球隊依家磨合得七七八八，希望可以贏到今場波，增加信心去踢之後嘅比賽。」
談及個人目標時，陸志豪稱：「最重要都係贏波，所以希望我入波又或者我助攻辛祖入波，然後贏波！」
至於從未缺席的傑志隊長黃洋則指：「每個球員都覺得社區盃係一個好大嘅肯定，上年我哋喺醫院應承咗小朋友、醫生、護士，話下年會爭取再次參與社區盃，因為要係聯賽冠軍同足總盃冠軍先有份踢社區盃。社區盃唔單止係慈善，亦都希望踢場好波畀球迷睇，我相信所有球員都準備好去踢今場比賽！」