41歲簽標準流浪 安基斯：年齡只係數字！
港超球隊標準流浪昨日進行操練，標準流浪總監李輝立透露，球隊已與41歲入籍前鋒安基斯簽約，上季效力凱景的他將披上流浪球衣續戰港超。
安基斯表示：「我6月開始一直同和富大埔傾，可惜最終唔成事。雖然我喺香港咁多年都冇同過Philip（標準流浪總監李輝立）合作，但我同佢嘅關係一直都好好，今次係一個適合嘅合作時機。」他亦指出：「流浪同凱景有啲唔同，流浪大部分年輕球員都冇港超聯經驗，我嚟到流浪，就係要用自己嘅經驗幫佢哋，感染佢哋，令佢哋可以迅速成長。」
港隊補選羅拔圖
安基斯操練時認真積極，原因在於他永不放棄的心態：「一個月前我已開始跑步健身，同時等待任何球會嘅聘約。我永遠唔會放棄，知道自己應該做啲咩，同埋點樣做，唔會理會其他人點睇我嘅年齡。落場比賽就係證明自己嘅最佳方法，對我嚟講，年齡只係數字！」
與此同時，正積極備戰「2022卡塔爾世界盃暨2023中國亞洲盃聯合外圍賽第二圈」的香港隊，宣布補選富力R&F後衞羅拔圖，替補早前退隊的法圖斯。