傑志曼城8pm開P氹粉絲

傑志早前曾到南韓集訓，期間先後與釜山交通公社和浦項制鐵「拍跳」，錄得1勝1和戰績，新任主帥施利斯高域昨日在賽前記者會上表示：「目前我哋嘅體能狀態準備得好好，今場我期望大家都可以好好享受比賽，踢場好波畀球迷睇！」

黃洋目標上半場零失球

「藍鳥」傑志之前曾出戰過阿仙奴、曼聯、巴黎聖日耳門、熱刺等勁旅，對戰外隊經驗豐富的隊長黃洋指出，與曼城交手將有助香港足球進步：「今次再有機會去挑戰歐洲頂級球隊，將會係一次好難忘嘅經驗，希望對曼城嘅比賽可以令球迷開心。我哋想像到對曼城有幾難踢，需要不斷戰鬥展示熱情，希望喺比賽中得到一啲嘢，去幫助香港足球日後嘅發展。」他續稱：「曼城上場對狼隊就算賽果係0比0，佢哋控球率都接近7成，作為防守球員，我希望上半場可以零失球！」

傑志隊長 黃洋	傑志中場 鄭展龍（左二）	曼城中場 奇雲迪布尼

曼城剛在上周的「英超亞洲挑戰盃」先後面對韋斯咸和狼隊，雖然未能奪冠，但領隊哥迪奧拿相當滿意球隊表現。球隊先後到訪過上海和南京，再到香港，「哥帥」承認對球員適應有幫助，同時強調賽果只是次要：「我哋知道傑志係香港一支強隊，將為我哋帶嚟唔少威脅，但賽果唔係最重要，最重要係球隊要喺季前建立活力同風格，為之後『社區盾』對利物浦做好準備，呢樣先最重要！」

曼城前鋒 史達寧	蘇沙苦練射門，今仗力爭士哥。	比利時球星奇雲迪布尼被球迷包圍攞簽名。

「藍月亮」操練喪入靚波

有份出席記招的曼城翼鋒史達寧則笑言：「首先希望我夠弗，如果有得上陣嘅話，就想提升體能狀況，最後希望入到波啦！」在昨午的公開操練中所見，「藍月亮」眾將神情輕鬆，惟在練習對賽期間，「哥帥」多次暫停練習並向球員講解及示範，表情一貫「肉緊」。抵港首天曾被球迷投訴「黑面」、「唔友善」的曼城大軍，昨日操練卻十分「識做」，除在末段練習射門時，多次射入角度刁鑽的靚波外，收操後更向球迷大派「福利」，簽名、影相有求必應，讓在場1,176名粉絲非常興奮及「四萬咁口」！

圖/文：何彥霆、陳焌鏗