夢想FC青衣擺擂台搵理文復仇
今午假青衣運動場上演的港超尾場，夢想FC迎戰理文。雙方上月曾於菁英盃4強碰頭，夢想因主力馬高斯缺陣不敵最後冠軍理文，今仗誓要一雪前恥；理文主教練陳曉明則提醒球員勿因捧盃而鬆懈！（周日下午5時30分開賽）
夢想FC於菁英盃遭理文淘汰後，上仗返回聯賽與東方龍獅踢成2比2，主帥梁志榮滿意表現︰「球員喺菁英盃輸波後再打番起鬥志，大家都回復過嚟。」「細榮」重申球員今仗仍需搏盡︰「我哋都知假如理文今日贏波，聯賽就會過我哋，所以都要盡力。」
理文剛奪得球會史上首項錦標，惟主教練陳曉明警告球員不能放鬆：「球員依家釋放晒啲壓力，近期練波見佢哋走動都放啲。但都唔可以當今場係例行公事。」目前除梁嘉恆受傷外，尼迪利亦出現肌肉繃緊，未知能否上陣。
何彥霆報道