冇包袱有驚喜 凱景1:1和傑志
昨日於深水埗運動場上演的「中銀人壽香港超級聯賽」凱景對傑志，主隊賽前雖篤定降班，但落場球員踢出無比鬥志，更由金玟基入球領先上半場，「藍鳥」要到比賽末段憑佐迪的入球逼和對手1比1。
開賽僅7分鐘，金玟基左路推橫，廿多碼外放冷箭得手，助凱景領先。及後傑志傾力強攻，10分鐘佐迪接應費蘭度直傳，單刀赴會惜中柱彈出。7分鐘後佐迪第一時間彈射，被凱景門將陸平中出迎擋出，20分鐘佐迪頭鎚攻門僅告高出，39分鐘林恩許第一時間撞射，又遭陸平中飛身托出，半場凱景帶點冷味領先傑志一球。
換邊後凱景差點拉開比分，56分鐘黃耀富罰球直射僅中網側。急欲追平的傑志於60分鐘先有佐迪禁區內快射，6分鐘後再有靴南迪斯起腳，均未能轉化成入球。74分鐘林恩許趁對手解圍不遠燙射柱邊出界。傑志到86分鐘終有收穫，佐迪門前撞入扳平1比1至完場，最終雙方各得一分。
馮凱文點名讚廖智謙
賽後凱景主教練馮凱文坦言驚喜：「賽前以不失球為目標，上半場意外領先，之後打起班球員信心，今場防守紀律做得好好，成隊波好集中。我都同球員講依家冇壓力，可能放開懷抱去踢，令到佢哋更加放膽。」他又點名讚揚今季首次正選上陣、年僅20歲的中場廖智謙，認為此子身形雖矮小，但未有怯場，後備落場的歐文洛串演左閘亦稱職。傑志主教練朱志光坦承今季穩定性不足，對於兩位小將巴拉克和陳晉一表現，他認為兩人有點緊張表現一般。
冠忠南區3:1破香港飛馬
同日另一場港超賽事，冠忠南區於主場香港仔運動場，由蘇沙、史必及高美斯先後建功，3比1擊敗有大衞拉菲爾入波的香港飛馬，以勝仗迎接12日的足總盃4強戰，更趁傑志同日失分，攀上聯賽榜第3位。
陳焌鏗、黃雋謙報道