李志堅：錢未必買到冠軍
完場一刻激動衝向與球迷慶祝的和富大埔主教練李志堅，在接受訪問時感動落淚：「好開心我哋和富大埔攞到今場勝利，攞到今季聯賽冠軍。職業足球，錢係好重要，但係和富大埔話畀大家聽，錢可以買到好多好球員，但未必買到冠軍！球員成季嘅表現話畀大家聽，堅持自己信念、夢想，係有機會成功。」
「堅Sir」稱讚球員昨仗未有放棄：「我哋半場時針對番上半場發揮唔好嘅地方，換入陳肇鈞希望可以進取啲，主導番中場，呢個係我哋嘅部署。另外半場時我都同球員講：『我哋冇嘢可以輸！』大家成日講我哋要盡力去爭冠軍，咁咪要做出嚟囉，去到最後一分鐘唔放棄，球員表現好都係關鍵。」
足球明星選舉望球迷支持
對於聯賽封王會否有助球隊在足球明星選舉的選情，「堅Sir」笑言：「我哋都已經得到最好禮物，有獎梗係好啦，大家諗諗我啦！」