夜撲航源保出線希望 全城起動撐傑志
亞協盃I組賽事今晚續假旺角大球場上演，傑志迎戰中華台北代表航源，兩軍在小組還未有分「落袋」，明言未放棄亞洲賽的主隊傑志教練朱志光，強調今仗不勝無歸，球迷們趁今日勞動節假期，齊齊入場睇好波啦！（Now 633周三晚8時直播）
目前受傷兵問題困擾的傑志，雖然暫時在今屆亞協盃兩戰皆北，但主教練朱志光強調並未放棄亞洲賽：「雖然之前兩場比賽都輸，但唔代表呢場會『放軟手腳』。因為亞協成績對香港爭取『AFC球會系數』好重要，中華台北球會更係我哋主要攞分對象，呢場一定要贏。」航源上輪在作客環境下，仍能在和富大埔身上轟入2球，故此「朱Sir」認為對手絕對不容小覷。
朱志光未放棄：睇「天」做人
近日香港天氣不穩，朱志光明言會「睇天做人」：「我哋希望可以攞到主導，但始終要視乎天氣，場地因素唔理想會令用波方面有困難，加上對手係直接、打反擊嘅球隊，我哋會有兩手準備，睇天氣臨場調配。」此外，他還透露會考慮派一些體力較充沛的球員上陣，惟盧卡斯、列斯奧則因傷倦勤。
航源周日（28日）戰畢本地聯賽後，翌日（29日）便隨即乘搭航班來港，主教練陳永盛揚言今日一戰對兩軍爭取出線都極之重要，會與傑志鬥攻。
陳永盛又認為上輪比賽對和富大埔時，航源有機會搶分，但遺憾地未能把握機會。再次面對香港球會，他形容傑志是一支擅於控球的球隊，特別點名要提防翼鋒費蘭度和中場華杜斯，更強調費蘭度傳中球極具威脅，因此球隊會向這兩名主力作出針對性部署。
黃雋謙報道