中國桌壇「一哥」丁俊暉在世界桌球錦標賽爭冠夢碎！「小丁」周一在英國謝菲爾德市的克魯斯堡劇院被「準神」卓林普連追6局，輸9比13，無緣8強。他賽後坦言終於可以回家湊女，卓林普晉級後將鬥蘇格蘭名將麥佳亞。
「小丁」16強對住今屆大師賽冠軍、英國球手卓林普，首節落後3比5，第二節頻頻起迫反超9比7，但進入第三節，「小丁」開段手風麻麻，而且失誤甚多向對手送上機會，令卓林普愈打愈順，終連贏6局闖入8強。
今次已是「小丁」第三次在世界賽輸給「準神」，丁俊暉賽後承認自己錯失爭勝機會，但沒有太大失望，反而想盡快回家「湊女」：「依家可以多一啲時間陪伴囡囡，佢季初時出生，我一直都無時間同佢一齊。」今個賽季未能奪走一冠，「小丁」坦言會為下季作好部署：「我會展望下個賽季，但依家唔諗住，唔想逼得自己太緊。」
至於另一位中國球手周躍龍面對「機長」卡達表現算不俗，曾經領先9比7，但第三節同樣連輸6局，以9比13出局，卡達8強對手是加里威爾遜。「巫師」希堅斯則以13比11力壓冰咸，闖入8強鬥澳洲球手羅拔臣，另外，大衞基拔與奇倫烕爾森爭4強席位，8強賽採25局13勝制。