法比奧：郭Sir值得贏最佳教練

為佳聯元朗射入奠勝一球的法比奧賽後表示：「我哋上季好多球員都簽咗其他隊，今季組軍時，我哋決定畀機會年輕球員。大部分隊內小將都冇港超經驗，好似陳廣豪咁，第一季踢港超就已經踢得好好，意味喺港超以下嘅聯賽，甚至青年軍都有好多好球員，我哋要畀機會佢哋展示自己嘅能力，嚟緊我哋會盡力爭菁英盃冠軍同埋足總盃決賽席位。」
佳聯元朗主教練 郭嘉諾
佳聯元朗主教練 郭嘉諾

「佢令球員有差距變冇差距」

法比奧更認為元朗主教練郭嘉諾值得贏「最佳教練」：「我哋班球員有啲有港超經驗，有啲冇，本身距離差好遠，但喺『嘉諾』嘅帶領下，隊內分隊賽係睇唔到有乜差距，即係話佢喺球員發展方面做得好好，呢一切完全係佢嘅功勞。」

佳聯元朗教練郭嘉諾（中）賽後與球迷合照。
  • 佳聯元朗教練郭嘉諾（中）賽後與球迷合照。