不知不覺，我已經喺度生活咗8個多月，好多人同事已經熟習，例如每星期坐車回港嘅路程，唔會再好似「盲頭烏蠅」咁四圍撞；呢度嘅商場餐廳職員亦已知道我嘅飲食喜好，因為每次落Order都係同款食物，哈哈……我發覺自己漸漸融入呢個小社區，亦非常享受呢度較為寧靜嘅生活。
講番現時聯賽嘅形勢，可以話係香港最高級別足球聯賽難得遇到嘅局面，4支球隊都有好大機會得到聯賽冠軍，賽事仲剩低3輪，邊一隊攞到冠軍仲有好大變數，相信要到最後一輪賽事先可以確定到「誰是王者」，希望全港球迷繼續密切留意港超聯，以及大力支持你哋喜愛嘅球隊。
專欄輪住嚟
富力R&F主教練 楊正光