男人要夠硬，女人要夠軟。如果男人做人唔夠硬朗，好難喺職場闖一番事業；而女人就要柔情似水，咁先得男人鍾意，如果加埋身體夠柔軟嘅話，好似夏本麻美呢位新紮軟體女王咁就最好喇！
小弟同過唔少美人兒影相，之不過呢班女仔靚就靚喇，唔知係咪少做運動定冇接受過模特兒訓練，擺甫士相當生硬，唔能夠顯露出婀娜胴體嘅美態。亦因為見過咁多生硬美人，小弟對於日本寫真界嘅軟體美人好似永井里菜、木村涼香等零舍情有獨鍾，其實除咗佢哋之外，仲有一位近期彈起嘅女優一樣骨筋軟柔，呢位就係夏本麻美喇！
今年25歲嘅夏本麻美樣子清麗脫俗，標致嘅五官配埋一笑生花嘅容顏，美艷程度絕對可以喺日本寫真界稱霸。此外，阿妹嘅身材婀娜勻稱，有C Cup美乳亦有又圓又翹嘅美尻，肌膚仲好似剝殼雞蛋咁白滑，令人流晒口水！
麻美生得靚女又好身材，投身寫真女優行列以來人氣與日俱增，不過冒起唔單止因為有外在美咁簡單，仲有一身柔軟骨筋。麻美嘅身體出奇地柔軟，能夠輕輕鬆鬆擺出各種高難度動作，喺「全日本軟體寫真女王比賽」更奪得女王寶座，當中麻美可以將腰肢同臀部拗成水平位置，仲可以輕鬆咁保持姿勢畀司儀將其腰間及臀部當成餐枱食飯，認真厲害！最近麻美繼續擴大發展路線，加入咗賽車女郎團體「太平洋妖精」以美色縱橫賽車場，前途無可限量。
簡介：從夏本麻美嘅社交網中，可以睇到好多佢嘅性感照片，另外佢仲會拍短片賣弄誘人身段，內容真係幾精彩呀！
網址：https://twitter.com/natsumotoasami
年齡：25歲
身高：5呎4吋
三圍：32C-22-33
撰文：賢