余煒廉史雲斯頓爭做最佳青年球員

昨於觀塘apm舉行的新聞發布會場面墟冚。

今季在理文穩佔正選的余煒廉表示：「我以平常心面對，今季好多年輕球員都有好表現，競爭比較大，如果我表現得好，相信球迷都會投票畀我。」這位年輕中堅雖曾於年初協助港隊衞冕省港盃，但他認為自己另有優勢：「對比其他年輕球員，我今季喺理文有好多出場機會，呢方面係我嘅優勢。始終踢得多都冇咁緊張，表現會穩定啲。」

至於從傑志外借加盟凱景的年輕中場史雲斯頓則謙稱：「今季攞到唔少落場經驗，令到我可以喺好球員身上學習，能夠獲得提名，我已經好開心。」這位英菲混血兒更認為：「最大嘅對手係余煒廉同孫銘謙，因為佢哋表現愈嚟愈成熟，『煒廉』今季好穩健，『孫銘』落到場就交到同佢年紀唔相稱嘅好表現。」

余煒廉（左）與史雲斯頓惺惺相惜。

謝德謙有寶貝女到場支持笑晒口。

陳焌鏗報道