伊高沙托尼擸硬足球先生？

為隆重其事，足總特別將今次新聞發布會，安排在人流暢旺的觀塘地標apm舉行。雖然場面墟冚，但出席的港超球星大都見慣大場面，逐一在台上回答司儀提問。

陳7開口幫馬高斯拉票

被視為今季深受球迷愛戴「新面孔」的夢想FC中場馬高斯，謙稱自己第一年來港落班，有機會參與選舉已經非常高興，能否獲獎本身並未有太大期望，因為在港超聯還有很多優秀的球員。但這位擅長遠射兼且愈入愈遠程的中場，卻獲得「行家」香港飛馬隊長「陳7」陳肇麒公然力撐，「陳7」說：「票，我就唔會為自己拉喇，但我希望球迷朋友可以將票投畀馬高斯，因為佢嘅表現真係好好，值得攞獎。」

伊高未能到場，但仍由球會代表向在場球迷派發「小小心意」。

陳肇麒（左）幫馬高斯幫到出口。

「陳7」力撐馬高斯，其他港超球星又有甚麼心水呢？有愛妻及寶貝女到場支持的冠忠南區門將謝德謙表示，個人當然希望自己及隊友攞獎，因為球隊今季表現不俗，惟論「足球先生」的心水，「阿謙」則認為別無他選：「一定係『伊高』（即伊高沙托尼）啦！雖然佢係爭標對手，但佢喺場上嘅表現好有說服力，好難唔投畀佢喎。」

獲女友Katie親臨打氣的富力R&F中堅「細佬」梁諾恆，同樣對伊高沙托尼讚不絕口，他說：「佢好波又快仲要爆得，要應付佢真係好難！難得佢一啲都唔獨食，就算空門都好，佢見隊友個位好啲，佢都會交波，如果佢選擇自己入嘅，過咗20球啦！由佢攞足球先生係實至名歸。」

梁孔德：港首辦亞協頒獎禮

親臨撐場的足總主席梁孔德致詞時則表示，今季港超聯爭持激烈，各隊球員都表現出色，值得球迷們投下神聖一票，以表支持。「球隊、球員同教練都好需要大家支持，預祝下月22日晚舉行嘅頒獎典禮成功。遲啲亞洲足協嘅年度頒獎禮，將會第一次喺香港舉行，有進一步消息我會再同大家講。」

「2018/19香港足球明星選舉」將於今早9時開始接受公眾投票，獎項包括「香港足球先生」、「香港足球明星11人」、「最佳教練」、「最佳青年球員」、「最受球迷歡迎球星」、由現役港超聯球員投票選出的「球員之星」，以及新設的「香港足球小姐」（由賽馬會女子聯賽（甲組）球隊的主教練和隊長投票選出）將在下月22日的頒獎典禮上揭盅。公眾投票連結為 www.hkfa.com/vote，至於投票表格可以郵寄或傳真方式，送交香港足球總會，截止日期為下月（5月）9日晚上11時59分。