on.cc東網直播 衝冠關鍵戰 傑志冠忠南區鬥智鬥力
「中銀人壽香港超級聯賽」今晚8時有激鬥，兩支爭標隊伍傑志與冠忠南區於旺角大球場正面交鋒，賽果將直接影響爭標形勢，雙方毫無疑問會傾盡所能，務求3分到手。「藍鳥」主教練朱志光與南區主帥鄭兆聰，更在賽前大打心理戰，兩軍鬥力之餘更鬥智！
傑志上周中在主力馬特史密夫停賽，以及盧卡斯因傷缺陣下，亞協盃分組賽以2比4不敵和富大埔。主教練朱志光透露，前鋒泰迪因鼻骨骨裂及移位需養傷約1個月，為確保傷愈的盧卡斯今場能落場，故決定在亞協盃收起該位巴西射手，至於上仗退下火線的華杜斯，要觀察其狀況才決定今晚能否出任正選。
朱Sir擔心傷兵多過對手
冠忠南區於聯賽僅失13球，防守力冠絕港超，面對這面銅牆鐵壁，「朱Sir」反而擔心己隊受傷球員多過對手︰「今場波南區都要贏，所以都唔可以90分鐘都打穩守突擊，所以唔太擔心對方嘅防守，依家係比較擔心盧卡斯同華杜斯嘅情況！」
冠忠南區今晚若然全取3分，將可跳升至聯賽次席，主教練鄭兆聰強調需從緊密防守建立基礎︰「防守係足球好重要嘅一部分，我覺得今年我哋其中一樣嘢做得好好，就係防守好專注，呢個係我哋嘅本錢。」對於傑志剛踢畢亞協盃，更有泰迪、華杜斯及盧卡斯受傷，「Ricky Sir」依然認為未必有「着數」︰「傑志特登為呢場波留力，我同班球員講，你預華杜斯同盧卡斯都會上陣。剩番4場波已經冇失分空間，要先做好自己本分贏波。」傷兵方面，門將謝德謙已復操，但要視乎狀態才可決定會否上陣。